【你絕對可以討厭你的父母】
我成日都話做人父母唔係咁簡單
唔係你有精、我有卵、我哋有錢，就可以。
我成日都好想勸導世人，
無錢、無時間、無耐性、無腦就千其唔好生仔。
唔好為呢個可悲嘅社會再製造多一宗不幸。
最近睇咗一本讀者推介嘅書
講現實中其實有比你想像中更多人擁有不幸福嘅童年
因為好多老豆老母只係複製上一代嘅教育方式
自己父母唔識得愛與關懷，自己同樣無對子女愛與關懷
「當年我都xxxxxx啦，咪又係咁大！」⋯
從而製造出 #不幸嘅輪迴。Sooooooo true。
有次同朋友講起我媽，
朋友話：做人父母都要學，可能佢未學得識啫。
然後我都曾經安慰過自己，祖父母一代生好多個小朋友
根本無時間講咩愛與關懷，只係打鬥同貧窮中養活一家
所以我父母都無一個好嘅「父母榜樣」
應該要體諒佢哋都唔識得點樣做個愛與關懷嘅好父母。
但有時我都會無辦法用呢個理由說服自己。
曾經經歷過不幸嘅人，
先最唔應該複製自己嘅不幸畀下一代。
無人一出世就識做父母，生完仔都唔代表識做父母
正如無人一結婚就識做人老公/老婆
所以唔應該將自己嘅無能為力推畀其他人。
本書入面講：「每個大人都曾經係小孩。」
每個父母都曾經係人哋嘅子女，
自己做過人哋仔女理應知道做仔女嘅心思
反面教材都係教材，只要有心所有人都可以成為好父母
天使與魔鬼從來都係一念之間。
我甚至覺得母親節父親節簡直係為啲仆街父母洗白
唔係所有父母都值得歌頌，值得孝順。
呢個世界嘅仆街父母，其實比你想像中更多更多。
討厭自己父母其實no shame，
最緊要係唔好複製自己嘅不幸比下一代
喺你呢一代就應該要結束呢個不幸輪迴。
支持我嘅寫作，請去Patreon：
https://www.patreon.com/hkgirlfriend
（Patreon收入會將一半捐出）
IG：@hkgirlfriend
FB：港女友
Search